منتدى الانوار من فضاء تيميمون

عزيزي الزائر / عزيزتي الزائرة يرجي التكرم بتسجبل الدخول اذا كنت عضو معنا
او التسجيل ان لم تكن عضو وترغب في الانضمام الي اسرة المنتدي
سنتشرف بتسجيلك
شكرا
ادارة المنتدي

منتدى الانوار من فضاء تيميمون ـــ منتدى تربوي تثقيفي ترفيهي يهتم بالجانب العلمي المعرفي في ميدان الصحة البيئة التاريخ الاكتشافات العلمية الاسرة الطبخ التعليم الابتدائي والمتوسط والثانوي والعالي المجال الادبي والفني ...

المواضيع الأخيرة

    أغنية يا قمري للفنان الجزائري " رابح درياسة"..إهداء من منتدى الانوار من فضاء تيميمون للجميع..

    شاطر

    yahia_01
    نائب المدير
    نائب المدير



    ذكر
    عدد المساهمات: 3716
    نقاط: 7222
    السٌّمعَة: 49
    تاريخ الميلاد: 22/01/1978
    تاريخ التسجيل: 17/08/2009
    العمر: 36

    أغنية يا قمري للفنان الجزائري " رابح درياسة"..إهداء من منتدى الانوار من فضاء تيميمون للجميع..

    مُساهمة من طرف yahia_01 في الإثنين أبريل 19, 2010 9:43 am



    أغنية يا قمري يجوب بنا من خلالها رابح درياسة الجزائر
    عبر كلمات رسالة يبعثها إلى أحد المغتربين ويشجعه على العودة.
    وهي أغنية من الشّعر الملحون،وهو الذّي نظم أبياته.
    ويقصد بالقمري ذكرالحمام بالجزائري.



    يا قمري ودي سلامي للغربة *** ولي راه غريب مشتاق للأوطان
    بلغلوا سلام أرض المحبة *** الجزائر أمنا عز البلدان
    بمدنها بريافها وطن الوجبة *** بغيبها بشطوطها زينة للألوان
    خذ سلام مدونها ليك محبة *** كل مدينة وناسها في كل مكان
    وإذا جيت تزورها يا مرحبا *** أهلا وسهلا بيك لبلادك مضمان
    كي تدخل من حدود تونس العذبة *** أدخل ع الشطوط وامشي في لامان
    أبدا من القالة زينة جذابة *** واتفرج بالعين في زين المرجان
    من بعد امشي للجميلة عنابة *** واطلع لسيرايدي وانظر لكوان
    واتعدى للشطايبي مناسبة *** واتعشي في سكيكدة زينة للألوان
    والطارف والقل في جنة طيبة *** اتمتع بشطوطهم صيد وعومان
    واهبط من ثمة لجيجل في رغبة *** وانظر لتاريخها من عهد زمان
    في المنصورية حوالك تتلبى *** وادخل لبجاية تعشي في لامان
    تيشي بسماها وماها رحابة *** وبجاية تاريخ راسخ في الديوان
    جوز لآزفون شط مع غابة *** واعقب لتقزيرت ولدلس عجلان
    أتمتع بشطوط دلس واتهب *** واقصد بومرداس من ثمة نيشان
    بودواو حذا عين طاية في القربة *** وأتعافى من بعد في برج الكيفان

    ادخل من بعد لدزاير اللبة *** زور إمام العاصمة عبد الرحمن
    من بعد اطلع زور سكان القصبة *** وأنا نستناك في عين البنيان
    نديك قبالا لموريتي عذبة *** ونديك لنادي الصنوبر عز مكان
    وسطاوالي في الطريق المطلوبة*** والشطر مالوا ذهب للبعد يبان
    وقبالوا سيدي فرج مولة القبة *** واحذاهم زيرالدا شط الأمان
    واحذا فوك الدواودة غير قريبة *** منها نطلع للقليعة زين وشان
    ما ننساوش بوسماعيل الرحبة *** ومزين تيبازة بسياح وسكان
    وجبل شنوة فوقها عندو رهبة *** وقبر الرومية مقابل ربعة أركان
    نقصدوا شرشال من بعد الركبة *** ومن الغمري نزور آثار الرومان
    قوراية وسيدي براهم في العقبة *** زيد تنس وشطها يجلب لحسان
    نغدى طول لمستغانم الخصبة *** ونسمع قصة بن خلوف ومزغران
    نقصدوا لآرزيو من بعد الغيبة *** وندخلوا للباهية مدينة وهران

    وهرن وهرن جايبك وهبي طربة *** نتفكر فيك الحبيب رفيق زمان
    في سيدي الحسني نلاقيو الطلبة *** وسيدي الهواري على ملكو سلطان
    لعيون الترك ياك نغدوا في رحبة *** والأندلس بعدها جنة رضوان
    وبني صاف وشطها يجلب جلبة *** وزيد الغزوات وانظر يا فلان
    نوصل مرسى بن مهيدي نتهبى *** ونحيوا لمغاربة لينا جيران
    هذي شطوط دزاير يا غربة *** ذرك نروحوا للمدن في كل مكان
    ندخلوا من الشرق نصار الغلبة *** نبداوه من بن مهيدي مول الشان
    ونزيد لقالمة وخراطة وجبة *** ونحيوا أرواح لأبطال الشجعان
    من خراطة نروح طول لعزابة *** ونقصد سوق أهراس ونحيي لاخوان
    ونعدي شور الخروب على الركبة *** وعين البيضة نزيد للونزات عيان
    ونباتوا في خنشلة بعد الغيبة *** وبير العاتر في الطريق أهلالو وبان
    ونزيد تـبـسـة وللعربي نجبة *** ونطلعوا لأم البواقي في لامان
    نرجع لزيغوت يوسف بمحبة *** ومن زيغوت نزور حمة بوزيان
    وادي زناتي على يمينك في الحسبة *** واهبط حتى لباتنة مهد الشجعان
    و الأوراس عظيم تاريخو وجبة *** نتفكر ثمة الجرموني فنان
    نطلع من ثمة نعجل بالغصبة *** لقسنطينة العالية فوق الكيفان

    دين قسنطينة يزيدك في الرغبة*** وقصة صالح باي مشهورة من زمان
    فيها بن باديس زايد وتربى *** وسيدي راشد كان لو عز وبرهان
    والميلية وزيد ميلة بالنسبة *** لعين مليلة يالخو تمشي عجلان
    و نصدو من الشرق للوسط برغبة *** و لشلغوم العيد نقصد يا إنسان
    نعقب للعلمة نزور الأحبة *** و بعد العلمة سطيف عالي ليك يبان
    عين الفوارة وبمياها عذبة *** وسيد الخير في مقامو عز وشان
    في الجمقالة و تيمقاد المرغوبة *** للجميلة زيد و تفرج بعيان
    و عمل دارة لعين ولمان و تجب *** تقصد عين أزال و البرج المزيان
    كي تلحق للبرج تفرح بالصابة *** و تفارقها للمسيلة و طن الشان
    تغدا طول لعين بسام الخصبة *** و تعشي من بعد في سور الغزلان
    تقصد باب الوسط فخر و محبة *** و نزور فيه المدن مكان مكان
    نبداوه من القصر على الحسبة *** نعقب أميزور و الجولة تزيان
    نقصد سيدي عيش نطلبوا طلبة *** و نعديوا لأقبو ننظر الألوان
    في عين الحمام يطربنا طربا *** أسفرا و محند و محندا أمقران
    و بني يني و بوغني و المحبة *** و ما ننساو لحباب في بني ورثلان
    و نجوزوا لعزازقة عندي صحبة *** نشبعوا من التين و الزيتون أكوان
    في أعكورن جات ليهم قريبة *** و الأربعاء بحب الملوك لوان ألوان
    أنظر لجبل جرجرة فيه الرهبة *** و تيزي وزو الباهية من البعد تبان
    و أمشي من ثمة بفرح و محبة *** لبرج منايل زيد لذراع الميزان

    مننساو ذراع بن خدة رحبة *** زيد ليسر و البويرة ناس أعيان
    الأخضرية و الثنية و الرويبة *** و تجوز على بودواو مكان مكان
    للدار البيضاء نفوتوا بالوجبة *** و نغداو للحراش نزهاو بدحمان
    ندهم لأربعاء ومفتاح بغصبة *** ونقصد بوفاريك نرعى كل جنان
    و نصدوا شور البليدة و القربة *** و نزوروا سيدي كبير عظيم الشأن
    نطلعوا جبل الشريعة خلابة *** منها ننظر زين متيجة بعيان
    نهبط من ثما للشفة بالركبة *** نقصد موزايا و حمر العين تبان
    للعفروان نزيد حجوط و نجبة *** و نرجع للعفروان و نبر عجلان
    نحكم طريق الخميس المطلوبة *** تدينا لخميس مليانا تعيان
    نطلع في العقبة لمليانا الخصبة *** و نديروا زيارة لبن يوسف سلطان
    نهبط من ثما لجندل و القربة *** و نعمل زورة لروابح في الغيوان
    و نصدوا للغرب شوق و محبة *** في عين الدفلة و فالعطاف أخوان
    واد الفضة و زيد للشلف بالرغبة *** ناس الشلف لقصدهم ما ينهان
    سيدي عابد فوقهم دار القبة *** نتلقوا في زيارتو خيل و فرسان
    ندهم واد رهيو من بعد الركبة *** و نصدوا من ثم طول لغيلزان
    في المازوزية نديرو تصويبة *** لسيدي بن عودة محمد في الغيوان

    نقصد تسمسيلت نزهو بالصابا *** و نجوزو لثنية الحد الأخوان
    نطلعوا من ثم لتيارت وجبة *** خيل و نيف و مال و أبطال وشجعان
    و من بعد نزوروا فرندة بالرغبة *** و نشقوا لجبال لمعسكر نيشان
    تاريخ الأمير لمعسكر و هبة *** إشاراته ظاهرة في كل مكان
    سيدي بلعباس وطن المحبة *** فيه نصيبوا مصطفى بايت سهران
    نطلع لتموشنت و ندير الوجبة *** لرمشي و بنان سايب و تلمسان
    بومدين ثما مقامو يا غربة *** بشموع و حنة و عنبر و ريحان
    نمشي من ثما لمغنية اللبة *** و ندرومة فيها الآلة و الألحان
    و نجوزوا لمسير داجات قريبة *** لغنم فرحة مع العلاوي و الديوان
    و نصدوا من الغرب في عز الركبة *** نغدوا للجنوب نمشوا في لمان
    نبداوه من التيطري جنة خصبة *** و نعمل وقفة في المدية يا لخوان
    لبلاد المحبوب صحبة و محبة *** إيكثر خير ناسها ترحيب و شان
    للبرواقية الخطرة مطلوبة *** عز النسبة ناسنا فيها سكان
    قصر البخاري حذاها في القربة *** نخرج منو لعين وسارة تعيان
    للبرين و عين بوسيف الخصبة *** و في الشلالة الحاج عيسى دار ألحان
    حاسي بحبح في الطريق المطلوبة *** و نوصل للجلفة الزينة يا لخوان
    نلقا ثما ولاد نايل و الصحبة *** و النخل و خيم الشعر تفجي لمحان
    نصاعين البل نرتاح بشربة *** و ندخل للأغواط لحبابي فرحان
    لغواط المعلوم سكانوا وجبى *** نذكر بن كريو و قمر الليل يبان

    انبقيو لغواط بالخير غربى *** تدينا طول الطريق لبريان
    بريان مع مليكة في القربى *** و غرداية كالجوهرة من البعد تبان
    عاصمة الأنوار غرداية اللبة *** و بني يزقن زيد بنورها تزيان
    ما ننساوش القرارة في الحسبة *** نشربوا فيها التاي مع لعيان
    لمتليلي و زيد زلفانا غصبة *** يعطينا حمامها صحة لبدان
    باش نروح لبوسعادة نتهبى *** فوق زرابي مفرشين لوان لوان
    نخرجوا منها على خير و رغبى *** و نروح قبالا لبسكرة تعيان
    في بسكرة و طولقا عندي طلبى *** ننظر لدقلة نور في نخل البستان
    من بعد نزوروا قبر سيدي عقبة *** ابن نافع قايد جيوش العربان
    نقصدوا لولاد جلال بهيبة *** سيدي خالد قال بن قيطون فلان

    نطلع من ثما لبريكة رغبة *** و من عبد الحميد لنقاوس نيشان
    و سعيدة جايا بعيدة يا غربى *** و نروحلها طايرين مع الورشان
    البيض و أفلوا ليهم رتبة *** و فرندا تبقى شمال و ليها شان
    لبيض سيد الشيخ تاريخو وجبا *** باركة أولاد سيد الشيخ أعيان
    مشرية و غنامها و الجلابة *** ندخل منها لصحاري يا لخوان
    نيشان لبشار نعملوا طربى *** و نسهروا بالعود و الناي و لوزان
    عين الصفرة في الطريق المنسوبة *** و نزيدو لفقيق و نشقوا نيشان
    ما ننساوش النعامة في الحسبة *** قبلة للسياح في صحرتنا تان
    طاغيت الجنة الخضراء لخلابة *** يقصدوها ناس من كل البلدان
    ذرك نروحوا لصحاري يا غربى *** و ندخلوا من الواد بالشعر و للحان
    و السهرة في واد سوف الجذابة *** مدينة ألف قبة زين و شان
    و نزيد لتوقرت بالمناسبة *** و في ورقلة و جامعة تنظر لكوان
    نعقب من ثما لسدراتا رغبى *** باب الصحراء كبير للحاسي نيشان
    في حاسي مسعود ثروتنا تلبا *** والبترول الخام يلهب بالنيران

    و نزور الصحراء لكبيرا يا غربى *** تحفة في جمالها تسلب لعيان
    في الطاسيلي زين نظرة خلابة *** جنة أدرار تمنراست زان
    تيميمون و عين صالح مرغوبة *** زيد بني عباس لسياح مكان
    و نزيد لتندوف بالمناسبة *** و هذي صحرتنا لكبيرة يا لخوان
    هذي هيا بلادكم يا ذا الغربة *** نتمناوا تجيوا في أقرب لوان
    نطلبوا من الله تقصار الغلبة *** و يرجع كل غريب لوطانوا فرحان
    رابح كاتب ذا الكلام بحرف الباء *** وحرف النون وزاد صاوبلوا الألحان
    رتب ذا الجولة الكبيرة بالرغبة *** واجمع فيها قريب جميع البلدان
    وإذا كان نسى البعض طلب طلبة *** منكم أجميل السماح على النسيان
    أدعولوا بالخير و السترة غربة *** و القبول يجي من الله و الغفران
    و أبقاوا على خير في هذي النوبة *** نتلقاوا إن شاء الله في ساعة لمان




    عدل سابقا من قبل yahia_01 في الجمعة نوفمبر 11, 2011 9:42 pm عدل 1 مرات

    aymen78
    عضو جديد
    عضو جديد


    عدد المساهمات: 1
    نقاط: 1
    السٌّمعَة: 0
    تاريخ التسجيل: 27/09/2010

    رد: أغنية يا قمري للفنان الجزائري " رابح درياسة"..إهداء من منتدى الانوار من فضاء تيميمون للجميع..

    مُساهمة من طرف aymen78 في الإثنين سبتمبر 27, 2010 2:57 pm

    السلام عليكم ورحمة الله وبركاته
    اشكركم علي قبولكم عضويتي الجديدة في منتداكم متمنيا ان اكون عند حسن ضنكم
    لقد حاولت تحميل اغنية رابح درياسة يا غمري ودي سلامي للغربة ولكن بدون جدوي
    ارجو ان تساعدوني في كيفية تحميلها او ارسالها الي
    اشكركم مسبقا

    almoharib
    مشرف عام
    مشرف عام



    ذكر
    عدد المساهمات: 568
    نقاط: 929
    السٌّمعَة: 1
    تاريخ التسجيل: 22/05/2010

    رد: أغنية يا قمري للفنان الجزائري " رابح درياسة"..إهداء من منتدى الانوار من فضاء تيميمون للجميع..

    مُساهمة من طرف almoharib في الخميس أكتوبر 28, 2010 12:51 am

    مشكوووور

    chayma04
    عضو جديد
    عضو جديد


    عدد المساهمات: 1
    نقاط: 1
    السٌّمعَة: 0
    تاريخ التسجيل: 01/11/2010

    رد: أغنية يا قمري للفنان الجزائري " رابح درياسة"..إهداء من منتدى الانوار من فضاء تيميمون للجميع..

    مُساهمة من طرف chayma04 في الإثنين نوفمبر 01, 2010 11:54 am

    شكرا جزيلا

    اقبو
    مشرف عام
    مشرف عام



    ذكر
    عدد المساهمات: 1703
    نقاط: 3022
    السٌّمعَة: 4
    تاريخ الميلاد: 27/07/1984
    تاريخ التسجيل: 13/03/2010
    العمر: 30

    رد: أغنية يا قمري للفنان الجزائري " رابح درياسة"..إهداء من منتدى الانوار من فضاء تيميمون للجميع..

    مُساهمة من طرف اقبو في الإثنين نوفمبر 01, 2010 11:20 pm

    جميل مشكور

    minou
    عضو جديد
    عضو جديد


    عدد المساهمات: 1
    نقاط: 1
    السٌّمعَة: 0
    تاريخ التسجيل: 02/11/2010

    رد: أغنية يا قمري للفنان الجزائري " رابح درياسة"..إهداء من منتدى الانوار من فضاء تيميمون للجميع..

    مُساهمة من طرف minou في الثلاثاء نوفمبر 02, 2010 1:12 am

    السلام عليكم شكرا لقبول عضويتى ولى عندكم طلب وهى اغنية للشيخ رابح درياسة بعنوان يا غمرى وجى سلامى للغربة ارجو ان تساعدوني في كيفية تحميلها او ارسالها الي
    اشكركم مسبقا

    yahia_01
    نائب المدير
    نائب المدير



    ذكر
    عدد المساهمات: 3716
    نقاط: 7222
    السٌّمعَة: 49
    تاريخ الميلاد: 22/01/1978
    تاريخ التسجيل: 17/08/2009
    العمر: 36

    رد: أغنية يا قمري للفنان الجزائري " رابح درياسة"..إهداء من منتدى الانوار من فضاء تيميمون للجميع..

    مُساهمة من طرف yahia_01 في الأربعاء نوفمبر 03, 2010 10:52 am

    كل ماعليك المحاولة حتى تتمكن من التحميل سلام

    saidmeghazi
    عضو جديد
    عضو جديد


    عدد المساهمات: 1
    نقاط: 1
    السٌّمعَة: 0
    تاريخ التسجيل: 11/02/2011

    رد: أغنية يا قمري للفنان الجزائري " رابح درياسة"..إهداء من منتدى الانوار من فضاء تيميمون للجميع..

    مُساهمة من طرف saidmeghazi في الجمعة فبراير 11, 2011 12:32 pm

    كيفاه تتحمل هذي الأغنية

    اhiabo
    عضو جديد
    عضو جديد


    عدد المساهمات: 1
    نقاط: 1
    السٌّمعَة: 0
    تاريخ التسجيل: 22/09/2011

    رد: أغنية يا قمري للفنان الجزائري " رابح درياسة"..إهداء من منتدى الانوار من فضاء تيميمون للجميع..

    مُساهمة من طرف اhiabo في الجمعة سبتمبر 23, 2011 5:33 pm

    روعة مشكووووووووووووووووووووووووور

    yahia_01
    نائب المدير
    نائب المدير



    ذكر
    عدد المساهمات: 3716
    نقاط: 7222
    السٌّمعَة: 49
    تاريخ الميلاد: 22/01/1978
    تاريخ التسجيل: 17/08/2009
    العمر: 36

    رد: أغنية يا قمري للفنان الجزائري " رابح درياسة"..إهداء من منتدى الانوار من فضاء تيميمون للجميع..

    مُساهمة من طرف yahia_01 في الأحد سبتمبر 25, 2011 12:27 am

    شكرا لك على الزيارة والكلمة الطيبة


    _________________
    [ندعوك للتسجيل في المنتدى أو التعريف بنفسك لمعاينة هذه الصورة]
    [ندعوك للتسجيل في المنتدى أو التعريف بنفسك لمعاينة هذه الصورة]

    mek.nour
    عضو جديد
    عضو جديد


    عدد المساهمات: 1
    نقاط: 1
    السٌّمعَة: 0
    تاريخ التسجيل: 19/09/2011

    رد: أغنية يا قمري للفنان الجزائري " رابح درياسة"..إهداء من منتدى الانوار من فضاء تيميمون للجميع..

    مُساهمة من طرف mek.nour في الجمعة أكتوبر 14, 2011 9:39 pm

    لا يوجد اي تحميل لهده الاغنية الرجاء المساعدة

    yahia_01
    نائب المدير
    نائب المدير



    ذكر
    عدد المساهمات: 3716
    نقاط: 7222
    السٌّمعَة: 49
    تاريخ الميلاد: 22/01/1978
    تاريخ التسجيل: 17/08/2009
    العمر: 36

    رد: أغنية يا قمري للفنان الجزائري " رابح درياسة"..إهداء من منتدى الانوار من فضاء تيميمون للجميع..

    مُساهمة من طرف yahia_01 في الإثنين أكتوبر 17, 2011 8:47 am

    شكرا لك على الزيارة والكلمة الطيبة لكي تحملهاعليك بمجموعة من المشاركات وشكرا لك مرة ثانية


    _________________
    [ندعوك للتسجيل في المنتدى أو التعريف بنفسك لمعاينة هذه الصورة]
    [ندعوك للتسجيل في المنتدى أو التعريف بنفسك لمعاينة هذه الصورة]

    orsan13
    عضو جديد
    عضو جديد


    عدد المساهمات: 1
    نقاط: 1
    السٌّمعَة: 0
    تاريخ التسجيل: 11/11/2011

    رد: أغنية يا قمري للفنان الجزائري " رابح درياسة"..إهداء من منتدى الانوار من فضاء تيميمون للجميع..

    مُساهمة من طرف orsan13 في الجمعة نوفمبر 11, 2011 8:46 pm

    السلام عليكم ورحمة الله تعالى وبركاته
    أعضاء وزوار المندى
    أشكر كل من ساهم في بذل جهده لرقي المنتدى، وأرجوا تجديد رابط أغنية رابح درياسة.
    Le lien de fichier que vous avez demandé n'est pas valide.

    yahia_01
    نائب المدير
    نائب المدير



    ذكر
    عدد المساهمات: 3716
    نقاط: 7222
    السٌّمعَة: 49
    تاريخ الميلاد: 22/01/1978
    تاريخ التسجيل: 17/08/2009
    العمر: 36

    رد: أغنية يا قمري للفنان الجزائري " رابح درياسة"..إهداء من منتدى الانوار من فضاء تيميمون للجميع..

    مُساهمة من طرف yahia_01 في السبت نوفمبر 12, 2011 8:51 pm

    شكرا لك وبركت


    _________________
    [ندعوك للتسجيل في المنتدى أو التعريف بنفسك لمعاينة هذه الصورة]
    [ندعوك للتسجيل في المنتدى أو التعريف بنفسك لمعاينة هذه الصورة]

    اقبو
    مشرف عام
    مشرف عام



    ذكر
    عدد المساهمات: 1703
    نقاط: 3022
    السٌّمعَة: 4
    تاريخ الميلاد: 27/07/1984
    تاريخ التسجيل: 13/03/2010
    العمر: 30

    رد: أغنية يا قمري للفنان الجزائري " رابح درياسة"..إهداء من منتدى الانوار من فضاء تيميمون للجميع..

    مُساهمة من طرف اقبو في الإثنين مارس 05, 2012 10:38 pm

    [ندعوك للتسجيل في المنتدى أو التعريف بنفسك لمعاينة هذه الصورة]

      الوقت/التاريخ الآن هو السبت ديسمبر 20, 2014 12:39 pm